خطوات تسجيل استمارة التقديم الالكترونى ابناؤنا فى الخارج وحل لجميع المشاكل التى تقابلك اثناء التسجيل

 

 خطوات التقدم لاختبارات السفاره عن طريق الانترنت

الناس اللي بتشتكي من التسجيل

الحل بسيط ان شاء الله بس نركز شوية

١- تتأكد ان المتصفح بتاعك مش مسجل فيه اكونت قديم عشان ميظهرش خطأ بالايميل

٢- تعمل ايميل جديد

٣- رقم جوال جديدلم تستخدمه في التسجيل

٤- رقم قومي لم تسجل به في الموقع

٥- بعد مابتسجل وتظهر رسالة تم التسجيل هتدخل على الايميل بتاعك الشخصي وهتلاقي رسالة من الموقع بها ايميل جديد اخره edu.eg وباسورد مؤقت هتحطهم على بوابة التسجيل

٦- بعد ماتحط الايميل والباسورد هيظهرلك اكمال التسجيل هتضغط عليها والف مبروك 

( 1 ) تضغط علي الرابط دا

التقديم ابناؤنا فى الخارج 2021

 

ومشكلات التسجيل على الموقع الالكتروني كالآتي:

-بالنسبة للإقامة :-

الطلاب المصريين :

يكتفي بإثبات جنسية الطالب المصرية مع صورة جواز السفر المثبت به تواجد الطالب بالدولة.

- الطلاب الأجانب وجميع الجنسيات الأخرى :-

لابد من وجود إقامة للطالب أو ولي امره مع صورة جواز السفر للطالب المثبت به تواجده بالدولة.

-بالنسبة للمستندات المطلوبة :-

-طلاب ابناؤنا في الخارج

- الطلاب المصريين :-

يكتفي برفع صورة من شهادة نجاح العام الماضي على الموقع الالكتروني ولايتم إرسال اية اصول للمستندات ماعدا الطلاب المطلوب منهم استيفاءات سابقة .

- الطلاب الأجانب وجميع الجنسيات الأخرى :-

يتم رفع صورة من شهادة نجاح العام الماضي بإلاضافة الى صورة من إقامة الطالب أو ولي امره مع صورة جواز السفر التى تثبت تواجد الطالب داخل الدولة ولايتم إرسال اية اصول للمستندات ماعدا الطلاب المطلوب منهم استيفاءات سابقة .

# الطلاب الجدد :-

يتم رفع صور المستندات المطلوبة على الموقع وإرسال الأصول بعد التأكد من قبول الطالب على ان يتم إرسال أصول المستندات بالطريقة المناسبة لولي الأمر .

# كما تم الإفادة من قبل الوزارة بأن موعد التسجيل للإمتحانات

لمدة شهر من تاريخ فتح الموقع .

# اما بالنسبة لمشاكل التسجيل على الموقع الالكتروني فقد تم التواصل مع القائمين على الموقع الالكتروني وأفادوا بأنه قد تم إنشاء بريد إلكتروني خاص بمشكلات التسجيل وهو :-

sabroad@support.emis.edu.eg

( 2 ) هيجيلك اول صوره هيكون فيه خانه مكتوب فيها استمارة التقدم لاختبارات ابناؤنا في الخارج تضغط عليها

( 3 ) هتظهرلك الاستماره تبتدي تعبيها دا بالنسبه للناس اللي اول سنه سفاره اما اللي تاني سنه او عمل الاستماره دي السنين اللي فاتت فيدوب يدخل الرقم القومي وتاريخ الميلاد ومكان السفاره ويعمل حفظ للمعلومات اللي هتظهر له وبعدها طباعه

( 4 ) بالنسبه خانة جواز السفر مش مهم تعبيها عادي
و الناس اللي اولادهم مواليد السعوديه او اي مكان خارج مصر يختار في خانة مكان الميلاد ( المركز الرئيسي)

( 5 ) بالنسبه للتجريبي هيختار طبعا اللغه الاولي انجليزي وكمان لغة المستوي الرفيع انجليزي اما بالنسبه لللي هيدرسوا عربي فيختاروا اللغه الاولي انجليزي وما يختاروا في الخانه الخاصه بالتجريبي اي شئ

( 6 ) شكل الاستماره والبيانات المطلوبه من بدايه الصوره رقم (٤ ) الي الصوره رقم (٨) وكل ولي امر يشوف شكل الاستماره للمرحله اللي فيها ابنه او بنته وبعد ما تعبي البيانات تعمل حفظ ضروري تعمل حفظ ثم طباعه ولو مش متوفر طابعه جنبك اعمل حفظ وبعدين تبقي تدخل في اي مكان فيه طابعه ع الرابط اللي موجود وتكتب الرقم القومي لابنك او بنتك ومكان الميلاد وتاريخ الميلاد ومكان السفاره هتطلعلك الاستماره اللي انت ملأتها اعمل حفظ وبعدين طبعة وبعدين تضغط( خروج )ضروري

( 7 ) اختيار ( بيانات الطالب التعليميه التي كان مقيدا عليها قبل مغادرة الوطن) لا تتركها بل يجب اختيار ( لم يقيد..) او ( كان مقيداً..)
( 8 ) اذا حدث خطاء اثناء التسجيل وفوجئت به بعد طباعة الاستماره وكان الخطأ في بعض البيانات في الخانات التي لا يسمح الموقع بإجراء تعديلات بها فقم بالآتي: اطبع الاستماره كما هي بالخطأ وقم بتصحيح الخطأ يدويا علي الاستماره بالقلم الاحمر ان امكن وقدم طلب تعديل للسفاره موضحاً فيهتلك التعديلات علي الاستماره . وارفق مع الطلب المستندات التي تدل علي صحة التعديل ان امكن ( صوة شهادة ميلاد الطالب والرقم القومي وصوره من اخر بيان نجاح للطالب
( 9 ) برجاء التاكد علي كتابه الرقم القومي للطالب بالكامل (١٤) رقم باللغه الانجليزيه وكتابته صحيحاً حيث انه محور التعديلات علي الموقع
 

#ملحوظة_هامه لكل ابن هتعمل له نفس الخطوات كل واحد لواحده وبعدما تنتهي من تسجيل بيانات الطالب الاول تعمل حفظ وطباعه وبعدين لازم تضغط ( خروج)
 #ملحوظه_هامه بالنسبه لرقم تليفون المراسل في مصر سواء محمول اورقم ارضي بنكتبه من غير رقم مفتاح الدوله_ الكود (٠٠٢)

( 10 ) هتروح تدفع المصاريف اللي هتكون مفروضه السنه دي في الحساب اللي هيعلنوا عنه بعد كده وتاخد الايصال بتاع المصاريف اللي دفعتها في البنك وتقدمه مع الاستماره اللي طبعتها والاقرار اللي طبعته وتفدمه في المكان اللي انت تابع له بالنسبه للرياض في المكتب الثقافي. وكمان بالنسبه لجده في المكتب الثقافي اما باقي المناطق ف موجود في اخر الصور صوره اخيره للمكان التابع ليها كل مقيم في السعوديه
 ( أ ) بالنسبه للناس اللي اول مره سفاره واولادهم هيدخلوا سنه اولي ابتدائي سواء عربي او تجريبي فالمطلوب منهم يملؤا الاستماره ويطبعهوا .. واصل شهادة الميلاد الالكترونيه للابن او البنت وايصال دفع المصروفات في البنك وعدد(٦) صور شخصيه للاولاد وصوره اقامه الاب
 ( ب ) اما بالنسبه للناس اللي اولادهم هيدخلوا اول سنه سفارهم واولادهم كانوا بيدرسوا في مصر قبل كده فالاوراق المطلوبه الاستماره بعد طباعتها واصل شهادة الميلاد وصوره اقامة الاب عدد(٦) صور شحصيه للطالب وبيان بدرجات النجاح من الاداره التعليميه التابعه ليها المدرسه اللي درس فيها ابنك اوبنتك مختومه بشعار الجمهوريه( النسر) مع ايصال دفع المصاريف في البنك علي رقم الحساب اللي اعلنوا عنه
( ت ) اما بالنسبه للناس اللي هتحول من سعودي لسفاره فلازم تصديق الشهاده من الاداره التعليميه السعوديه هنا وتوثيقها من السفاره السعوديه في مصر والخارجيه المصريه وتتقدم مع الاوراق اللي هي الاستماره بعد الطباعه واصل شهادة الميلاد وعدد(٦) صور شخصيه للطالب وصورة اقامه الاب
 ( ج ) اما بالنسبه للي هيحولوا من انترناشيونال الي سفاره فطبعا بيقدموا شهادة المعادله مع الاوراق السابق ذكرها اللي هي الاستماره وشهادة الميلاد الاصل وصورة الاقامه للاب وعدد (٦) صور شخصيه للطالب
( د ) اما بالنسبه للناس اللي امتحنوا السنه اللي فاتت في السفاره فالاوراق المطلوبه السنه دي هي طباعه الاستماره وايصال البنك بالمصاريف مع صوره من شهاده الميلاد وصوره من شهادة النجاح الاخيره وعدد (٦) صور شخصيه للطالب